Hutbe-i Şamiye — Sayfa 110

Kezalik fenn-i harbde tecrübeli ve o san'atta mahir ve hamiyet-i İslâmiye ile münevverü'lfikir zâbitlerinizin bâzılarının cüz'î nâmeşru harekatı için, itaatınıza halel vermeyiniz. Zira fenn-i harb, mühim bir san'attır. Hem de sizin kıyamınız; şeriat-ı garrâ, –yed-i beyza-i Musa gibi– sâir sebeb-i tefrika ve teşettüt-ü efkâr olan cem'iyetleri bel' etti. Sahirleri de secdeye mecbur eyledi. Harekatınız bu inkılabda ilaç gibi idi ki, fazla olsa zehire münkalib olur. Ve hayat-ı İslâmiye'yi fena bir hastalığa hedef eder. Hem de himmetinizle bizdeki istibdat şimdilik mahvoldu. Lâkin terakkiler için Avrupanın istibdat-ı mânevîsi altındayız. Nihâyet derecede ihtiyat ve itidal lâzımdır.

Yaşasın şeriat-ı garrâ!.. Yaşasın askerler!..

Said Nursî

* * *