Hutbe-i Şamiye — Sayfa 85

kurtaran (19) ve Avrupa'nın eski zann-ı fâsidlerini tekzib eden (20) Muhammed Aleyhissalâtü Vesselâm, hâtem-i enbiya ve şeriatın ebedî olduğunu tasdik ettiren (21) ve muharrib-i medeniyet olan dinsizliğe karşı sed çeken (22) ve zulmet-i tebâyün-ü efkâr ve teşettüt-ü ârâyı safha-i nurânîsi ile ortadan kaldıran (23) ve umum ulemâ ve vaizleri ittihad ve saadet-i millete ve icraât-ı hükûmeti meşruta-i meşruaya hâdim eden (24) ve adalet-i mahzâsı merhametli olduğundan anâsır-ı gayr-ı müslimeyi daha ziyâde te'lif ve rabteden (25) ve en cebîn ve âmi adamı en cesur ve en has adam gibi hiss-i hakikî-i terakki ve fedakârlık ve hubb-u vatanla mütehassis eden (26) ve hâdim-i medeniyet {(*): Hâdim-i medeniyet: Medeniyeti yıkıcı.} olan sefâhet ve isrâfat ve havâic-i gayr-ı zaruriyeden bizi halâs eden (27) ve muhafaza-i âhiretle beraber imar-ı dünya etmekle sa'ye neşât veren (28) ve hayat-ı medeniyet olan ahlâk-ı hasene ve hissiyât-ı ulviyenin düsturlarını öğreten (29) ve herbi-rinizi ey meb'uslar ellibin kişinin takazasını yâni haklarını sizden dâva etmelerini