دردنجى لمعه
Lem'alar(Os.) · Sayfa 26
Lem'alar(Os.) kitabının "دردنجى لمعه" bölümü 26. sayfada başlar. Yukarıdaki okuyucu bu sayfadan açılır; bölümün metni aşağıda basılı nüsha görünümüyle verilmiştir. Kitabın tamamı: Lem'alar(Os.).
دردنجى لمعه
("مسئلهِٔ إمامت" بر مسئلهِٔ فرعيه اولديغى حالده، زياده أهمّيت ويريلديگندن بر مسائلِ ايمانيه صيرهسنه گيروب، علمِ كلامده و اصول الدينده مدارِ نظر اولديغى جهتله، قرآنه و ايمانه عائد خدمتِ أساسيهمزه مناسبتى بولونديغندن جزئى بحث ايديلدى.)
﴿بِسْمِ اللّٰهِ الرَّحْمٰنِ الرَّحِيمِ﴾
﴿لَقَدْ جَاءَكُمْ رَسُولٌ مِنْ اَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَؤُفٌ رَحِيمٌ ٭ فَاِنْ تَوَلَّوْا فَقُلْ حَسْبِىَ اللّٰهُ لَا اِلٰهَ اِلَّا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ ٭ قُلْ لَا اَسْئَلُكُمْ عَلَيْهِ اَجْرًا اِلَّا الْمَوَدَّةَ فِى الْقُرْبٰى ٭﴾
برنجى مقام
"درت نكته"در.
برنجى نكته:
رسولِ أكرم عليه الصلاة والسلامڭ امّتنه قارشى كمالِ شفقت و مرحمتنى إفاده ايدييور. أوت روايتِ صحيحه ايله محشرڭ دهشتندن هركس حتّى أنبيا دخى "نفسى، نفسى" ديدكلرى زمان، رسولِ أكرم عليه الصلاة والسلام "اُمّتى، اُمّتى" دييه رأفت و شفقتنى گوسترهجگى گبى، يڭى دنيايه گلديگى زمان أهلِ كشفڭ تصديقيله والدهسى اونڭ مناجاتندن "اُمّتى، اُمّتى" ايشيتمش. هم بتون تاريخِ حياتى و نشر ايتديگى شفقتكارانه مكارمِ أخلاق، كمالِ شفقت و رأفتنى گوسترديگى گبى· امّتنڭ حدسز صلواتنه حدسز إحتياج گوسترمكله، امّتنڭ بتون سعادتلريله كمالِ شفقتندن علاقهدار اولديغنى گوسترمكله حدسز بر شفقتنى گوسترمش. ايشته بو درجه شفقتلى و مرحمتلى بر رهبرڭ سنّتِ سنيهسنه مراعات ايتمهمك، نه درجه نانكورلك و وجدانسزلق اولديغنى قياس أيله.
ايكنجى نكته:
رسولِ أكرم عليه الصلاة والسلام، كلّى و عمومى وظيفهِٔ نبوّت ايچنده بعض خصوصى، جزئى مادّهلره قارشى عظيم بر شفقت گوسترمشدر. ظاهر حاله گوره او عظيم شفقتى، او خصوصى جزئى مادّهلره صرف ايتمهسى، وظيفهِٔ نبوّتڭ فوق العاده أهمّيتنه اويغون گلمييور. فقط حقيقتده او جزئى مادّه، كلّى عمومى بر وظيفهِٔ نبوّتڭ مدارى اولابيلهجك بر سلسلهنڭ اوجى و ممثّلى اولديغندن، او سلسلهِٔ عظيمهنڭ حسابنه اونڭ ممثّلنه فوق العاده أهمّيت ويريلمش. مثلا: رسولِ أكرم عليه الصلاة والسلام حضرتِ حسن و حسينه قارشى
Lem'alar(Os.) uygulamada, çevrimdışı
Çevrimdışı indirme, kilit ekranı kontrolleri ve arka planda kesintisiz dinleme için ücretsiz ve reklamsız 3ondokuz uygulamasını indirin.
Uygulamayı İndir