Mektubat(Os.) kitabının "يگرمى سكزنجى مكتوب" bölümü 492. sayfada başlar. Yukarıdaki okuyucu bu sayfadan açılır; bölümün metni aşağıda basılı nüsha görünümüyle verilmiştir. Kitabın tamamı: Mektubat(Os.).

يگرمى سكزنجى مكتوب

شو مكتوب سكز مسئله‌در.

برنجى رساله اولان برنجى مسئله

﴿بِسْمِ اللّٰهِ الرَّحْمٰنِ الرَّحِيمِ﴾

﴿اِنْ كُنْتُمْ لِلرُّؤْيَا تَعْبُرُونَ﴾

ثانيًا:

اوچ سنه أوّل بنمله گوروشدكدن اوچ گون صوڭره تعبيرى چيقمش، تأويلى تظاهر ايتمش أسكى بر رؤياڭزڭ، شيمدى تعبيرينى ايسته‌يورسڭز. شيمديلك او گوزل، مبارك، مژده‌لى رؤيا مرورِ زمانه اوغرامش، معناسنى گوسترمش اولان او رؤيايه قارشى بويله ديسه‌م حقّم يوق مى:

﴿نَه شَبَمْ نَه شَبْ پَرَسْتَمْ مَنْ ٭ غُلَامِ شَمْسَمْ اَزْ شَمْسْ مِى گُويَمْ خَبَرْ﴾

﴿آنْ خَيَالَاتِى كِه دَامِ اَوْلِيَاسْتْ ٭ عَكْسِ مَهْرُويَانِ بُوسْتَانِ خُدَاسْتْ﴾

أوت قارداشم، سنڭ ايله محضِ حقيقت درسنى مذاكره‌يه آليشمشز. خيالاتلره قارشى قپوسى آچيق اولان رؤيالرى، تحقيقى بر صورتده موضوع بحث ايتمك، تحقيق مسلگنه تام اويغون گلمديگندن· او جزئى حادثهِٔ نوميه مناسبتيله، موتڭ كوچك بر قارداشى اولان نومه عائد علمى و دستورى اولارق آلتى نكتهِٔ حقيقتى، آياتِ قرآنيه‌نڭ إشارت ايتديگى وجهده بيان ايده‌جگز. يدنجيسنده، سنڭ رؤياڭه قيصه بر تعبير ويريله‌جك.

Okuyucuda devam et

يگرمى سكزنجى مكتوب

Alt başlıklar

Mektubat(Os.) uygulamada, çevrimdışı