اون اوچنجى شعاع

اون اوچنجى شعاع

(استادڭ طلبه‌لرينه گوندرديگى غايت قيمتدار، نورلى مكتوبلردر. رسالهِٔ نورڭ پارلاق مجاهداتنى بو صميمى مكتوبلر غايت پارلاق گوسترييورلر.)

عزيز، صدّيق قارداشلرم!

گچن ليلهِٔ قدريڭزى و گلن بايرامڭزى بتون موجوديتمله تبريك و سزلرى جنابِ أرحم الراحمينڭ برلگنه و رحمتنه أمانت ايدييورم.

سرّيله سزى تسلّىيه محتاج گورمه‌مكله برابر، ديرم كه:

آيتنڭ معناىِ إشاريسيله ويرديگى تسلّىيى تماميله گوردم. شويله كه:

دنيايى اونوتمق، رمضانمزى آسوده گچيرمك دوشونوركن، خاطره گلمه‌ين و بتون بتون تحمّلڭ فوقنده بو دهشتلى حادثه هم بنم، هم رسالهِٔ نورڭ، هم سزڭ، هم رمضانمز، هم اخوّتمز ايچون عينِ عنايت اولديغنى بن مشاهده ايتدم. بڭا عائد جهتنڭ ايسه چوق فائده‌لرندن يالڭز ايكى اوچنى بيان ايدرم:

برى:

رمضانده چوق شدّتلى بر هيجان، بر جدّيت، بر إلتجا، بر نياز ايله مدهش خسته‌لغه غلبه ايده‌رك چاليشديردى.

ايكنجيسى:

هر بريڭزه قارشى بو سنه ده گوروشمك و ياقينڭزده بولونمق آرزوسى شدّتلى ايدى. يالڭز بريڭزى گورمك و إسپارطه‌يه گلمك ايچون بو چكديگم زحمتى قبول ايدردم.

اوچنجيسى:

هم قسطمونيده، هم يولده، هم بوراده فوق العاده بر طرزده بتون أليم حالتلر بردن دگيشييور و مأمولڭ و آرزومڭ خلافنه اولارق بر دستِ عنايت گورونويور.

ديديرييور. أڭ زياده بنى دوشونديرن رسالهِٔ نورى، أڭ غافل و دنياجه بيوك مقاملرده بولونانلره ده كمالِ دقّتله اوقوتديرييور، باشقه بر ساحه‌ده فتوحاته ميدان آچييور. و أڭ زياده رقّتمه طوقونان و كندى ألممدن باشقه هر بريڭزڭ صيقنتيسندن باشمه طوپلانان بتون ألملره و تأسّفلره قارشى رمضانده، بر ساعتى يوز ساعت حكمنه گتيرن او شهرِ مباركده بو مصيبت دخى، او يوز ثوابى هر بر ساعتى اون ساعت درجه‌سنده عبادت ياپمقله بيڭه إبلاغ ايتديگندن، رسالهِٔ نوردن تام درس آلان و دنيا فانى و تجارتگاه اولديغنى بيلن و هر شيئى ايمانى و آخرتى ايچون فدا ايدن و بو درسخانهِٔ يوسفيه‌ده‌كى موقّت صيقنتيلرڭ دائمى لذّتلر و فائده‌لر ويره‌جكلرينه اينانان سزڭ گبى إخلاصلى ذاتلره آجيمق و رقّتدن آغلامق حالتنى، تبريك و ثباتڭزى غايت إستحسان و تقدير ايتمك حالتنه چويردى. بن ده

ديدم.